*** वाट आहे.....

***

वृत्त----- मंजुघोषा
गण---- गालगागा गालगागा गालगागा

****

बोल तैसे , वागण्याची वाट आहे.....
जाणती सारे, कृतीची वाट आहे.....

जीव येतो कोठुनी, कोणास ठावे !
सांग देवा, कोणती ही वाट आहे.....

काय केले काल ? ते ही आठवेना.
कोण मी ? हे जाणण्याची वाट आहे.....

ऐक जीवा, जाण आत्मा देव हा तू..
जायची ईशाकडे, ही वाट आहे.....

कुंभ प्रेमामृते, काठोकाठ आहे.
चाखयाला भेटण्याची वाट आहे.....

' राम ' त्याच्या जीवनी, जो देत राही,
आयते खाती, तयांची वाट आहे.....