*** तुझ्या नामासाठी...

वृत्त---- कल्याण

मात्रा-- ( ८,८,८ )= २४

***

सरसावो हे हात गरजूंच्या कामासाठी,
धन, श्रम, माझे कामा येवो इतरांसाठी...
*
रसना गाओ स्तुति आणिक गोडच वाणी,
शब्द शर हे,वापरू फक्त सुखविण्यासाठी...
*
श्वासगणिक रे येवो रामा, तुझी आठवण,
श्वास दिलेले अर्पण तुझिया गानासाठी...
*
रोमरोमात असाच येवो, ध्वनि राम राम,
अंतरातील स्पंदने तुझ्या नामासाठी...
*
सुख विनाशी कायिक भौतिक, अल्प काळाचे,
आत्मानंद अविनाशी ,जगू तयासाठी...