*** नाही कुणी कुणाचे...

***

स्वार्थात गुंग सारे, नाही कुणी कुणाचे.
मोठेपणा भुकेले , नाही कुणी कुणाचे....

मी मी करीत गेले , 'मी' हा फितूर झाला.
तो एकटाच आहे , नाही कुणी कुणाचे....

नाहीस तू तुझाही , ना देह हा तुझा रे.
देही सदा विराजे , नाही कुणी कुणाचे....

माझी मला सलामी , आम्हास हे जमावे.
आनंद अंतराते , नाही कुणी कुणाचे....

सोडून दे वृथा ही , आशाच तू मना रे !
'आनंदकंद ' आहे , नाही कुणी कुणाचे...


आत्मा सदैव राही , कंठात 'राम' आहे.
सारेच रे क्षणाचे , नाही कुणी कुणाचे....