*** हासू नका कुणी

***
पाहून हाल माझे, हासू नका कुणी
दुःखात हात द्याया,लाजू नका कुणी...

पोटास दुःखितांच्या देईन घास मी ,
आहे उभा भुकेला,लोटू नका कुणी...

बोलून साहवाव्या ज्या यातना मनी,
त्यांना अबोल कांही ठेवू नका कुणी...

कोणी कुबेर नाही, की संपदा तशी
गर्वात व्यर्थ तारे तोडू नका कुणी...

कोठे तुका नि नामा,कोठे कबीरजी ?
आपापलाच टेंभा ,मिरवू नका कुणी ...

सेवेत राम राही,सेवाच साधना
हातात तीच आहे, सोडू नका कुणी...