*** सांगावया लाजू नका

***
आनंद येता अंतरा, माझ्यासवे बोलू नका
दुःखात असतांना मला,सांगावया लाजू नका

बाजूस सारा वल्गना,वेडेपणाच्या कल्पना
आयुष्य आहे साजरे, खोटी भिती घालू नका

होतेच कोठे आपले,काही मनाशी बोलणे ?
संवाद आता नेमका,सांधायचे टाळू नका

कोणी कधीही आपले, झालेच नाही शेवटी
नाही कुणीही सोयरा,व्यर्थ अश्रू ढाळू नका

आयुष्य माझे संथ ते,जोशात आता चालतो
कोषात राहू मी कसा?थांबायला लावू नका

गाण्यात भजनाची मजा,भक्तीत जगण्याची मजा
हा 'राम'आहे अंतरी, भेटावया विसरू नका....