*** जरा सुखाने

***
जरा सुखाने निवांत थोड़ा जगून गेलो
फुले कळ्या या मलूल होता गळून गेलो

पहाटवारा तुझ्याचसंगे निघून गेला
इथे तजेला मला मिळेना,सुकून गेलो

तुझ्याच वाटेवरी उभा मी, अजून येथे
उरात आहे जरी दिलासा,दमून गेलो

तुझा उमाळा,तुझा दुरावा छळून जातो
हिशोब नाही किती कितीदा रडून गेलो

पहात होतो तुझीच स्वप्नें सये गुलाबी
खुणावले तू मला असे की, उठून गेलो

कुठून आला सुखावयाला पहाटवारा ?
तुला समोरी बघून मी तर,उडून गेलो....