*** आम्हा कळू लागले...

*
प्रस्तुत कविता "शार्दूलविक्रीडित" या अक्षरगणवृत्तात असून यात म-स-ज-स-त-त-ग हे गण येतात। यती १२ व्या अक्षरावर असते...

*
कोणीही नसते कठीण समयी,आम्हा कळू लागले-
एकाकी कुढणे असेच जगणे ,आता रुळू लागले...

*
सांगाती मिळती सुखात सगळे, प्राप्तीस्तव मुंगळे
चिंतेत दिसलो तरी सवंगडी, आता पळू लागले...

*
छाया देती परोपकार करती, सांभाळती बापुडे
वृक्षांचे उपकार जाण मनुष्या,ते का गळू लागले...

*
द्यावे हो सर्वदा असेच सुमुखें,हातास येईल ते-
देते ही धरणी कितीक सहते,आम्हा कळू लागले...

*
देऊ या सुख आणि आनंद फक्त, आहे तरी काय हो !
होऊनी हर्षदा मिळेल संपदा, आता कळू लागले...