*** दिलासा लाख मोलाचा

***

तशी ना आसवे की हुंदका हा दाटतो आता,
तरी माझ्याच दुःखांना हवासा वाटतो आता...

असो आनंददायी की,असू दे याद दुःखाची
जराशा आठवांनीही,गळा हा दाटतो आता....

तुझा पाऊस प्रेमाचा,अता माझ्यावरी नाही
कधी ओलावल्याची मी,सजा ही काटतो आता....

तुझ्यासाठीच प्रीतीचा ,पुरेसा अंतरी साठा
तुझ्यासाठी सदा वाहे,झरा ना आटतो आता...

तुझ्या एकाच शब्दाचा,दिलासा लाख मोलाचा
सुखाची भव्य साम्राज्ये ,पहा मी थाटतो आता...