*** आज जावू नको

.प्रस्तुत कविता "मालिनी" या अक्षरगणवृत्तात लिहिलेली आहे.मालिनी वृत्तात न-न-म-य-य हे गण असतात, यती ८ व्या अक्षरावर असते..

०-०-०

मन समरस झाले, आजमावू नको रे
परिमळ उधळूनी ,आज जावू नको रे...

झुळ्झुळ जल वाहे,गान गातो झरा हा
नकळत विरहाचा राग गाऊ नको रे...

सतत फुलव ध्वनी, सूर कानी घुमू दे
पद थिरकति माझे, वेणु ठेवू नको रे

तव अधरसुधा ही, तृप्त होऊन जावे
पुनरपि मिलनाची, आस लावू नको रे...


पद ’अरविंद’ तुझे,त्यावरी शीर राहो.
नित संगत असू दे, आज जावू नको रे...