*** तुझियासाठी

*** कल्याण वृत्त

***
तुझियासाठी
***

नभी चांदणे चमकत राहो तुझियासाठी
रवीरश्मिही दारी येवो तुझियासाठी

वारा लावो मेघ पळवून नैराश्याचे
दहा दिशा या मोदच उधळो तुझियासाठी

कधी मोकळी गज-याविण नसोच वेणी
वेल फुलांनी फुलून येवो तुझियासाठी

सदा अंगणी प्राजक्ताचा सडा पडावा
सौख्याची सर बरसत राहो तुझियासाठी

शब्दसुधेचे नवसंजीवन लाभों तुजला
तुझ्याच कविता वारा गावो तुझियासाठी

अवखळ खळखळ निर्झर वाहो तुझियासाठी
कुहूकुहू ही कोकिळ गावो तुझियासाठी.....